მეტოქეები პარიზის გზაზე

შვეიცარიაში გამართულმა წილისყრამ გაარკვია ოლიმპიადის საკვალიფიკაციო ტურნირზე საქართველოს კალათბურთელთა ნაკრების მეტოქეები. ჩვენი გუნდი ჯგუფის შეხვედრებს ლატვიის დედაქალაქ რიგაში ჩაატარებს, ჯგუფში ჩვენი ნაკრების მეტოქეები ლატვია და ფილიპინები იქნებიან.

საქართველოს ჯგუფი:

რიგა (ლატვია)

A ჯგუფი: ლატვია, საქართველო, ფილიპინები.

B ჯგუფი: ბრაზილია, მონტენეგრო, კამერუნი.

სხვა ჯგუფი:

ვალენსია (ესპანეთი)

A ჯგუფი: ესპანეთი, ანგოლა, ლიბანი.

B ჯგუფი: პოლონეთი, ფინეთი, ბაჰამის კუნძულები.

პირეოსი (საბერძნეთი)

A ჯგუფი: სლოვენია, ახალი ზელანდია, ხორვატია.

B ჯგუფი: საბერძნეთი, დომინიკის რესპუბლიკა, ეგვიპტე.

სან ხუანი (პუერტო რიკო)

A ჯგუფი: ლიეტუვა, მექსიკა, კოტ დ’ივუარი.

B ჯგუფი: პუერტო რიკო, იტალია, ბახრეინი.

თითოეული საკვალიფიკაციო ტურნირი ჩატარდება 2-დან 7 ივლისის ჩათვლით და თითოეულის გამარჯვებული მიიღებს ოლიმპიადის საგზურს. შესაბამისად, ერთ ტურნირში (ლოკაციაზე) თავს მოიყრის 6 ნაკრები, რომლებიც ორ სამგუნდიან ჯგუფად გაიყოფა. ერთ წრის შემდეგ თითოეული ჯგუფის 2-2 საუკეთესო ნახევარფინალში ჯვარედინად დაწყვილდება, ხოლო ფინალის მომგები ნაკრები ოლიმპიადაზე ითამაშებს.

მსოფლიო ჩემპიონატზე ნაჩვენები შედეგის მიხედვით პარიზის ოლიმპიადაზე თამაში განაღდებული აქვთ ევროპისა და ამერიკის ორ-ორ, ხოლო აზიის, აფრიკის და ავსტრალია/ოკეანიის თითო საუკეთესო გუნდს: საფრანგეთი (მასპინძელი), გერმანია, სერბეთი (ევროპიდან), აშშ, კანადა (ამერიკიდან), სამხრეთ სუდანი (აფრიკიდან), იაპონია (აზიიდან) და ავსტრალია (ავსტრალია/ოკეანეთიდან).