მოლეს ვილი ვერ შველის…

ესპანურ LIGA LEB PLATA-ში 24-ე ტურის მატჩი ჩაატარა „მოლემ“, სადაც ქართველი ვილი ისიანი თამაშობს. ქართველი კალათბურთელის გუნდმა „მენორკას“ უმასპინძლა და 19 ქულის სხვაობით, 78:97 დამარცხდა.

ვილი ისიანი თავის გუნდში კვლავ ერთ-ერთი გამორჩეული იყო – ქართველმა ფორვარდმა მოედანზე 30 წუთი გაატარა, რა დროშიც 14 ქულა (6-დან 3 სამქულიანი, 6-დან 2 ორქულიანი და ერთიდან ერთი საჯარიმო) მოაგროვა, რასაც 3 მოხსნა და 2 შედეგიანი გადაცემა დაუმატა.

24 ტურის შემდეგ მოლე LIGA LEB PLATA-ს აღმოსავლეთ კონფერენციაში 14 გუნდს შორის ბოლო ადგილზეა, ჩვენიანი კი ლიგის ერთ-ერთი გამორჩეული კალათბურთელია, შესაბამისად, ლოგიკურიც არის, რომ მოწინავე კლუბების თვალთახედვის არეშია.

მომდევნიო მატჩს ისიანის გუნდი 2 აპრილს სტუმრად „ალგინეტის“ წინააღმდეგ ჩაატარებს.

No description available.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...