მარი უთრილეროდ ვერ ძლებს

შოტლანდიელ ენდი მარის ავსტრალიის ღია პირველობაზე თრილერები „დაებედა“. ბრიტანელმა პირველ წრეში „როდ ლეივერ არენაზე” იტალიელ მატეო ბერეტინი 4 საათისა და 54 წუთის შემდეგ 6:3; 6:3; 4:6; 6:7; 7:6 დაამარცხა, ხოლო მეორე წრეში კიდევ უფრო რთული და ხანგრძლივი (5 საათი და 50 წუთი) ბრძოლა გადაიტანა მასპინძელ თანასი კოკინაკისთან – 4:6; 6:7; 7:6; 6:3; 7:5.

გადამწყვეტი გამოდგა მესამე სეტის მეათე გეიმი – კოკინასი 5:4-ს იგებდა და მატჩზე აწვდიდა, მაგრამ მარიმ მეტოქე დააბრეიკა, შემდეგ კი, ტაი ბრეიკზე იმარჯვა. მეოთხე სეტი მარიმ იოლად მოიგო, ხოლო გადამწყვეტ სეტში კოკინაკისს ჩაწოდება აართვა და მატჩიც გამარჯვებამდე მიიყვანა.

ავსტრალიის ღია პირველობის მესამე წრეში მარი 24-ე ნომრად განთესილ ესპანელ ბაუტისტა-აგუტს შეხვდება.