მასტერსი ჯერ უმედლოდ

გიორგი სარდალაშვილი - დედაჩემის ცრემლებმა დამაფიქრა, რომ მეტი უნდა ვივარჯიშო, არ უნდა გავჩერდე [ვიდეო] #1TVSPORT - 1TV იერუსალიმის მასტერსის პირველი დღე წარუმატებელი გამოდგა ქართველი ძიუდოისტებისთვის. ტატამზე სამი ქართველი სპორტსმენი გავიდა და ყველა უმედლოდ დარჩა.

ახლოს იყო მედალთან გიორგი სარდალაშვილი (60). ჩვენებურმა მერვედფინალში უზბეკი დილშოდბეკ ბარატოვი დაამარცხა, მაგრამ მეოთხედფინალში აზერბაიჯანელ ტურან ბაირამოვთან დამარცხა და რეპეშაჟში გადაინაცვლა, სადაც ესპანელ ფრანსისკო გარიგოსს მოუგო და მესამე ადგილისთვის ჭიდაობის შანსი მიეცა. თუმცა, ბრინჯაოს მედლისთვის ბრძოლაში ქართველი ძიუდოისტი ტაიპელ იუნგ ვეი იანგთან დამატებით დროში სამი გაფრთხილების გამო დამარცხდა და კვარვცხლბეკზე ვერ შედგა.

პირველივე ბრძოლა წააგო ვაჟა მარგველაშვილმა (66), რომელიც მტკივნეულ ილეთზე ფრანგმა მაქსიმ გობერმა დაიჭირა. ასევე პირველივე ბრძოლა წააგო ეთერ ლიპარტელიანმაც (57). ჩვენებურს იაპონელმა ცუკასა იოშიდამ აჯობა. დღეს ტატამიზე სამი ქართველი გავა: 73 კილოგრამამდე წონით კატეგორიაში ლაშა შავდათუაშვილი და გიორგი ტერაშვილი იჭიდავებენ, ხოლო 81 კილოგრამამდე წონით კატეგორიაში – ტატო გრიგალაშვილი.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...

უახლესი პოსტები

Post Views: 72