სანდროს ექვსიანები

სანდრო მამუკელაშვილი: ჩვენი ქვეყნისთვის ვიბრძოდით, ეს დაუვიწყარი გამარჯვება იყო

„მილუოკი ბაქსის“ ლიდერის, იანის ადეტოკუმბოს არყოფნაში, ქართველ კალათბურთელს, სანდრო მამუკელაშვილს „შარლოტ ჰორნეთსთან“ შეხვედრაში პარკეტზე გასასვლელად 15 წუთი მიეცა.

„მილუოკელებმა“ სტუმრად 105:96 მოიგეს, ჩვენებური კი, გუნდს 6 ქულითა და 6 მოხსნით შეეწია.

სანდრომ ორიდან თითო ორქულიანი და საჯარიმო ჩააგდო და ოთხი სამქულიანიდანაც ერთხელ უწია მიზანს. მამუკელაშვილის აქტივში ერთი დაფარებაც იყო.

„ბაქსს“ 16 მოგება და 6 მარცხი მოუგროვდა, რაც აღმოსავლეთ კონფერენციაში მეორე მაჩვენებელია. მომდევნო შეხვედრა მილუოკის 6 დეკემბერს, ორლანდოელ „ჯადოქრებთან“ ელით.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...