30 წლის ქართველ ჩოგბურთელ ნიკოლოზ ბასილაშვილს არც თუ კარგი დროება უდგას. ჩვენებური უკვე ჩელენჯერის ტურნირებშიც კი გამოჩნდა და ეს, შესაძლოა, წაადგეს კიდეც. ბასილაშვილმა პირველ მატჩში უკვე გაიმარჯვა, რაც ფსიქოლოგიურად გამოადგება.
ბასილაშვილმა რუანის ტურნირზე კვალიფიკაციიდან გამოსულ ფრანგ ანტუან ჰოანგს 7:6, 4:6, 6:2 სძლია. მატჩი 2 საათსა და 25 წუთს გაგრძელდა.
არადა, თამაში ისე დაიწყო, ბოლო პერიოდის ბასილაშვილი გაგვახსენდა – ნიკა 2:5 ჩამორჩა (ერთ მომენტში მეტოქეს სეტ-პოინტიც ჰქონდა), მაგრამ საქმე ტაი-ბრეიკამდე მიიყვანა. იქ კი ქართველმა 7:5 იმარჯვა.
მეორე სეტში პირიქით მოხდა – ჯერ ბასილაშვილი 2:0 დაწინაურდა, მაგრამ ცუდად გააგრძელა და 4:6 დამარცხდა.
მე-3 სეტში ბასილაშვილის უპირატესობა აშკარა იყო – 6:2.
მომდევნო წრეში ბასილაშვილის მეტოქე ისევ კვალიფიკაციის გამარჯვებული, ასევე ფრანგი, მატიას ბურჟეა იქნება, რომელიც მსოფლიოს 361-ე ჩოგანია.
ავტორის პროფილი
- ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.
უახლესი პოსტები
სიახლეები13/09/2026 | 23:45მამაგეიშვილმა ჩემპიონს გაუტანა [VIDEO]
აქეთურ-იქითური13/09/2026 | 20:16დიდი კუში
სიახლეები13/09/2026 | 00:05გიორგი გაგუა – დუბლი და MVP [VIDEO]
აქეთურ-იქითური11/09/2026 | 21:17ოფიციალურად მეთოფე