სატრანსფერო ბაზრის დახურვამდე საათები რომ რჩებოდა, „ვალენსიას” ვარსკვლავი კარლოს სოლერი აეროპორტში იდგა და პარიზის თვითმფრინავში ასვლის წინ ესპანელ ჟურნალისტებს ეუბნებოდა, რომ ცხოვრებას ცვლილებები ახასიათებს; მისთვის ეს დღე განსაკუთრებით მნიშვნელოვანი და ემოციურია; ჯერჯერობით სიახლეებისგან თავბრუ ეხვევა, მაგრამ როგორც კი დამშვიდდება ყველაფერს მოყვება; მანამდე დუმილი უჯობს.
იყო მეორე ინფორმაციაც, რომ „ვალენსიასა” და პარი სენ ჟერმენს” შორის მოლაპარაკებები კინაღამ ჩაიშალა, რადგან საფრანგეთის ჩემპიონმა ბოლოწამს ფულის გადახდის ისეთი ფორმატი მოითხოვა, რომელიც „ღამურებს” ხელს არ აძლევდათ. რომ დაინახეს გარიგება იშლებოდა, პარიზელებმა უკან დაიხიეს.
სოლერმა პსჟ-თან ხუთწლიანი ხელშეკრულება გააფორმა. მოკლედ წერენ, რომ ტრანსფერის ფასი 22 მილიონია, სინამდვილეში კი ეს თანხა ორ ნაწილად იყოფა, ძირითადად (18 მილიონი) და ბონუსებად, რომელიც შედეგების მიხედვით ან იქნება, ან არა.
კარლოს სოლერი 25 წლისაა. ის ვალენსიელია და აქამდე სხვა კლუბში არ უთამაშია.
ავტორის პროფილი
- "სარბიელის" ძველი ავტორია. იშვიათად ილია ბაბუნაშვილის ფსევდონიმითაც წერს. ხანდახან ცდილობს იხუმროს, მაგრამ უწყინარია.
უახლესი პოსტები
აქეთურ-იქითური15/11/2026 | 10:16დიდიე დროგბა: რატომ ვერ მოიგო მბაპემ ოქროს ბურთი?
აქეთურ-იქითური15/11/2026 | 09:19ანდრაშ შეფერი: შესვენებისას მწვრთნელს ათი კაცის შეცვლა რომ შეძლებოდა ათივეს შეგვცვლიდა
სიახლეები15/11/2026 | 08:18უკრაინა საქართველოსთან გაბრაზებული აპირებს თამაშს
მთავარი ამბავი15/11/2026 | 06:55მარკო როსი: ასეთი საშინელი პრველი ტაიმი ოთხი-ხუთი წელიწადია არ გვქონია
