„მანჩესტერ იუნაიტედის“ ახალ მთავარ მწვრთნელს, ერიკ ტენ ჰაგს, შეტევის გასაძლიერებლად „ბოლონიისა“ და ავსტრიის ნაკრების 33 წლის თავდამსხმელის, მარკო არნაუტოვიჩის დამატება სურდა.
მანკუნიანელებმა ბოლონიელებს ავსტრიელის ტრანსფერში 8 მილიონი ევრო შესთავაზეს, მაგრამ უარი მიიღეს. „ეშმაკუნები“ თანხის გაზრდას აპირებდნენ, თუმცა ტრანსფერი სულ სხვა გარემოებამ ჩაშალა.
ინფორმაციის გაჟონვის შემდეგ „მანჩესტერის“ ფანებმა საპროტესტო ელექტრონული წერილები გააგზავნეს კლუბის ოფისში. ზოგიერთმა პირადად დირექტორს, რიჩარდ არნოლდსაც მისწერა.
მათი უკმაყოფილების მიზეზი არნაუტოვიჩის რასისტული გამოხტომები გახლდათ შარშანდელ ევროზე. მაშინ მოშუღარი ავსტრიელი, ავსტრია – ჩრდილოეთ მაკედონიის მატჩის განმავლობაში მაკედონიელთა რიგებში მოთამაშე წარმოშობით ალბანელებს შეურაცხყოფას აყენებდა.
ყველაფერი კი მაკედონიური წარმოშობის ავსტრალიელი მაიკლ დამესკის „მანჩესტერისადმი“ კითხვას მოჰყვა: როგორ აფორმებთ კონტრაქტს ასეთ ადამიანთან, როცა კლუბის ერთ-ერთი მთავარი ღირებულება რასიზმთან აბსოლუტური შეუწყნარებლობააო.
ავტორის პროფილი
- სოლომონ გულისაშვილი — ადამიანი, რომელიც ვერ ჩქარობს, განსაკუთრებით თუკი სტატიას წერს, ასწორებს ან ქეიფობს. ამ ორ სფეროში უბადლოა. ერთგული ადამიანია, სამი შვილის მამა. თუ გინდა არ გაგაგიჟოს, დრო არ უნდა დაუთქვა.
უახლესი პოსტები
სიახლეები31/05/2026 | 18:26კვარაცხელიების პენალტები
სიახლეები27/05/2026 | 13:47შმეიხელი მხარმა გააჩერა
სიახლეები26/05/2026 | 21:25ტორპედომ და იბერიამ დაძაბეს
კატეგორიის გარეშე16/04/2026 | 16:09მბაპე 70