აგერ, პასპორტი – სარბიელი

საქართველოს კიდევ ერთი მოქალაქე შეემატა – 25 წლის ჯოვინო ფილო ფლამარიონი!
„ბათუმის“ ფორვარდს ქართული პასპორტი უკვე ხელთ აქვს და შიგ ჩარტყმული პირველი სასაზღვრო შტამპიც – ჯოვინო გუნდთან ერთად პოლონეთში, პოზნანის „ლეხთან“ კონფერენციის ლიგის საკვალიფიკაციო მატჩისთვის გაემგზავრა.

ჯოვინო ბრაზილიაშია დაბადებული. საქართველოში კი 2017 წელს ჩამოვიდა და ქომაგის სიმპათიაც მალევე დაიმსახურა. ერთი პერიოდი რუსეთში, ვოლგოგრადის „როტორში“ კი იყო გადაბარგებული, მაგრამ რამდენიმე თვეში უკანვე დაბრუნდა… დაბრუნდა და დაბრუნდა… გაქართველდა!

ჯოვინოს „ბათუმის“ სასარგებლოდ 39 გოლი აქვს გატანილი და 17 საგოლე პასი გაკეთებული.

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.