გოგა ბითაძემ NBA-ში კარიერის საუკეთესო თამაში ჩაატარა. ჩვენებურმა „ჰიუსტონთან“ 26 წუთში 23 ქულა ჩაუგდო და მატჩის საუკეთესო კალათბურთელიც გახდა. იმ მატჩის, რომელიც „ინდიანამ“ 121:118 მოიგო.
ამჯერად გოგამ თამაში სასტარტო შემადგენლობაში დაიწყო და 26.14 წუთში 23 ქულასთან ერთად 9 მოხსნა, 3 პასი, 3 ჩაჭრა და 1 დაფარება მიითვალა.
ბითაძემ შესაშური პროცენტული მაჩვენებლით ისროლა – ექვსივე ორქულიანი და სამივე სამიანი ჩააგდო, ხოლო საჯარიმო ხაზიდან ოთხჯერ ისროლა და 2 ჩააგდო.
ინდიანელთაგან გოგაზე მეტი მხოლოდ მალკოლმ ბროგდონმა (25 ქულა) მოაგროვა, მაგრამ სარგებლიანობის ფონზე მატჩის საუკეთესო მოთამაშედ ქართველი ცენტრი დასახელდა. „ინდიანა“ 24 მოგებითა და 47 მარცხით აღმოსავლეთ კონფერენციაში მე-13 ადგილზეა, მომდევნო მატჩს კი, 20 მარტს, „პოტლენდთან“ გამართავს.
ავტორის პროფილი
- ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.
უახლესი პოსტები
სიახლეები13/09/2026 | 23:45მამაგეიშვილმა ჩემპიონს გაუტანა [VIDEO]
აქეთურ-იქითური13/09/2026 | 20:16დიდი კუში
სიახლეები13/09/2026 | 00:05გიორგი გაგუა – დუბლი და MVP [VIDEO]
აქეთურ-იქითური11/09/2026 | 21:17ოფიციალურად მეთოფე