ATP CUP-ზე საქართველოს საჩოგბურთო ნაკრებმა კარი გაიჯახუნა და ჯგუფური ეტაპის ბოლო მატჩის ბოლო შეხვედრა მოიგო. ეს ალექსანდრე მეტრეველისა და ალექსანდრე ბაკშის წყვილმა გააკეთა, რომლებმაც სტეფანოს ციციპასისა და მიხეილ პერვოლარაკის დუეტს მოუგო – 4:6; 6:3; 16:14.
თუმცა, საერთო ჯამში ჩვენმა გუნდმა მაინც წააგო: ერთეულთა თანრიგში პირველები კორტზე ალექსანდრე მეტრეველი და მიხეილ პერვოლარაკის გავიდნენ. გამარჯვება ბერძენს დარჩა – 6:3, 6:2.
შემდეგ საქმეში ნიკოლოზ ბასილაშვილი ვიხილეთ, მაგრამ მცირე დროით. საქართველოს პირველ ჩოგანს დეკემბერში კორონავირუსი ჰქონდა, რის შემდეგაც ბოლომდე ვერ გამოჯანმრთელდა. ბასილაშვილმა პოლონეთთან მატჩი საერთოდ გამოტოვა, ხოლო ბერძენ სტეფანოს ციციპასს ჯანმრთელობის პრობლემების გამო პირველივე სეტში დანებდა, როდესაც 1:4-ს აგებდა.
საბოლოოდ, ბერძნებმა 2:1 მოიგეს, ხოლო საქართველოს ნაკრებმა სამივე შეხვედრა დათმო.
ავტორის პროფილი
- ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...
უახლესი პოსტები
აქეთურ-იქითური19/09/2026 | 14:04ოლიმპიადაზე ერთნაირად
აქეთურ-იქითური18/09/2026 | 15:10მიზანი: ჯგუფის მოგება და A ლიგა
აქეთურ-იქითური11/09/2026 | 13:10ამერიკაში ფინალისტები ადგილებს გაცვლიან
აქეთურ-იქითური02/09/2026 | 22:12სად არის ხვიჩა?