ზლატანს ტოტალიზატორი ამოუქექეს

The sanction that could withdraw Ibrahimovic related to a bookmaker 39 წლის ზლატან იბრაჰიმოვიჩს ფეხბურთიდან სამი წლით მოკვეთა ემუქრება, რაც, ფაქტობრივად, მისთვის კარიერის დასრულებას ნიშნავს. საქმე ის არის, რომ დიდ შვედს (თუმც წარმოშობით ბოსნიელი ბოშაა) მალტის ერთერთ ტოტალიზატორში ინვესტიციის ჩადებას ედავებიან. შვედური გაზეთი Aftonbladet წერს, რომ ზლატანი ბეტ-კომპანია Bethard-ის 10 პროცენტს ფლობს. ამ ფირმას ოფისები ჰქონია მალტაზე.

მოგეხსენებათ, ფიფა და უეფა ფეხბურთელებს ყოველგვარ კონტაქტს უკრძალავენ სათამაშო ბიზნესთან. ამ წესის დამრღვევს კი სამი წლით ყველანაირი საფეხბურთო საქმიანობა ეკრძალება.

წერილში წერია, რომ შვედეთის ფეხბურთის ფედერაცია საქმის კურსში იყო და იმიტომ არ წაიყვანეს იბრაჰიმოვიჩი 2018 წლის მსოფლიო ჩემპიონატზე.

ზლატანმა სანაკრებო კარიერა 2016 წელს დაასრულა და სულ ახლახან დაბრუნდა ეროვნულ გუნდში. მარტში, საქართველოსთან 2022 წლის მუნდიალის შესარჩევ მატჩში.

ავტორის პროფილი

სოლომონ გულისაშვილი: სოლომონ გულისაშვილი — ადამიანი, რომელიც ვერ ჩქარობს, განსაკუთრებით თუკი სტატიას წერს, ასწორებს ან ქეიფობს. ამ ორ სფეროში უბადლოა. ერთგული ადამიანია, სამი შვილის მამა. თუ გინდა არ გაგაგიჟოს, დრო არ უნდა დაუთქვა.