ბრინჯაო მოუგებლად

სურათი შეიძლება შეიცავდეს: 1 ადამიანი, დაკავებულია სპორტით და წვერი საფრანგეთის ქალაქ ნიცაში ანრი დელანის სახელობის გრან პრიზე საქმეში ბერძნულ-რომაული სტილით მოჭიდავეებიც ჩაერთვნენ და სამი მედალიც მოიპოვეს.

97 კგ. წონით კატეგორიაში მოჭიდავე გიორგი მელიამ ოქროს მედალი მოიპოვა. ჩვენებურმა ამერიკელი მილერი (8:0), პოლონელი კურნიცზაკი (9:0) და ავსტრიელები გასტლი (2:1) და რაგინერი (4:1) დაამარცხა, ფინალში გავიდა, სადაც აზერბაიჯანელ მუროდ ლოკიაევს 5:0 აჯობა და კვარცხლბეკის უმაღლეს საფეხურზე ავიდა.

ბრინჯაოს მედლებს დაეუფლნენ სულხან ბუიძე (130 კგ) და გურამ ხეცურიანი (87 კგ).

ხეცურიანმა 5:5-ზე იჭიდავა ამერიკელ ჯონ სტეფანოვიჩთან, მაგრამ უფრო მაღალი ხარისხის გდების გამო, გამარჯვება ჩაეთვალა.

საინტერესო აღმოჩნდა ბუიძის მედალი – ჩვენებურმა ჯერ ჩილელ იასმანი აკოსტასთან (0:8) წააგო, შემდეგ აზერბაიჯანელ საბაჰ შარიათისთან (2:3), მაგრამ ამ წონაში სულ სამი მოჭიდავე გამოდიოდა და ბუიძეს ბრინჯაოს მედალი ერგო.

ბრინჯაოსთვის წააგეს ბექა მამუკაშვილმა (77 კგ) და ნუგზარ წურწუმიამ (55 კგ). შედეგად, ბერძნულ-რომაული ჭიდაობის ნაკრების მონაგარი 3 მედალია – 1 ოქრო და 2 ბრინჯაო.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...

უახლესი პოსტები

Post Views: 87