მესი მეფეს დაეწია

„ბარსელონამ“ „ვალენსიას“ ვერ აჯობა – 2:2, მაგრამ მესიმ პელეს რეკორდი გაიმეორა და ცხადია, შედეგის გასაუმჯობესებლად მომავალ ტურშივე შეუტევს. პირველი ტაიმის მე-4 კომპენსირებულ წუთზე ანტუან გრიზმანის წაქცევისთვის დანიშნული პენალტი მესიმ ცუდად დაარტყა, მაგრამ მეკარისგან უკუგდებულ ბურთზე ისევ მასპინძლებმა იყოჩაღეს და არგენტინელმაც თავურით გაიტანა.

Pelé describes Messi as best player of last ten years ეს არგენტინელის 643-ე გოლი გამოდგა „ბარსელონას“ მაისურით გატანილი. ამ მაჩვენებლით ის ფეხბურთის მეფეს – პელეს გაუთანაბრდა, რომელსაც „სანტოსში“ ამდენივე ბურთი აქვს შეგდებული.

თავად პელემ მესის ეს მიღწევა სოციალურ ქსელში გულთბილად მიულოცა:

– გილოცავ რეკორდს! უპირველესად კი, ბარსელონაში გატარებულ წლებს. სამწუხაროდ, ერთსა იმავე კლუბში გატარებული წლებით და გატანილი გოლებით, მომავალში ბევრი ფეხბურთელი, ალბათ, ვეღარ დაიკვეხნის. აღფრთოვანებული ვარ შენით, ლეო!

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...