მანჩესტერი, იუვენტუსი, მანჩესტერი, იუვენტუსი

რამდენიმე დღის წინათ ვწერდით, რომ „მანჩესტერ იუნაიტედის“ ფრანგი ნახევარმცველი პოლ პოგბა უახლოეს მომავალში გუნდის დატოვებას აპირებს.

ახლა ეს ცნობა უფრო სარწმუნო გახდა. The Times-ის ინფორმაციით, პოგბას ტურინის „იუვენტუსში“ დაბრუნების თაობაზე მოლაპარაკებები უკვე დაიწყო. „ბებერი ქალბატონის“ ხელმძღვანელობა ერთობ მოწადინებულია ფრანგის დამატებით. თუმცა, კონკურენტებიც ჰყავს მადრიდის „რეალისა“ და „პარი სენ-ჟერმენის“ სახით.

პოგბა „იუვენტუსისთვის“ უცხო არ არის – ფრანგი ტურინულ გუნდში 2012-16 წლებში თამაშობდა, სადაც სწორედ „მანჩესტერიდან“ გადავიდა, ამასთან, თავისუფალი აგენტის სტატუსით, შემდეგ კი „მანკუანიანებს“ 105 მილიონი ევროს საფასურად დაუბრუნდა.

ფეხბურთელის აგენტი, მინო რაიოლა აცხადებს, რომ პოგბას „იუვეში“ დაბრუნება სავსებით შესაძლებელია.

მიმდინარე სეზონში 27 წლის ფრანგმა მანჩესტერული კლუბის მაისურით პრემიერლიგაში 8 მატჩში მიიღო მონაწილეობა და ერთი გოლიც გაიტანა.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...