საქართველო ფინეთში ვარჯიშობს

საქართველოს კალათბურთელთა ნაკრები 2022 წლის ევროპის ჩემპიონატის საკვალიფიკაციო ეტაპზე 28 ნოემბერს ფინეთს ეთამაშება, ხოლო 30-ში – შვეიცარიას.

გუნდი უკვე ფინეთშია. ჰელსინკიში საქართველოდან სუპერლიგაში მოთამაშე 8 კალათბურთელი ჩავიდა: მერაბ ბოქოლიშვილი, საბა ლობჯანიძე, გივი ბაქრაძე, ლუკა ზაქრაძე, ბექა ბექაური, ალექსანდრე ფევაძე, ლუკა ბულაშვილი და ილია ლონდარიძე, ხოლო ლეგიონერები – გიორგი შერმადინი, თად მაკფადენი, გიორგი კორსანტია და გიორგი ტურძილაძე ადგილზე დახვდნენ.

ჯერჯერობით, გუნდთან ერთად არ არის თორნიკე შენგელია – ის ეროვნულ გუნდს 27 ნოემბერს შეუერთდება.

გუშინ საღამოს და დღეს დილით გუნდმა ორჯერ ივარჯიშა. ილიას ზუროსმა მილოშ გლიგორიევიჩთან, გეორგიოს ლიმნიატისთან და ანატოლი ბოისასთან ერთად გუნდი სხვადასხვა კომპონენტებზე ავარჯიშა.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...