ანტეკოკუმბო საბერძნეთს არეკლამებს

Antetokounmpo: "Después de salir campeones vamos a ir a Mykonos ... „მილუოკი ბაქსის“ ლიდერმა, ბერძენმა იანის ანტეკოკუმბომ წინასწარ გაამხილა, თუ რა საზეიმო საღამოს მოწყობას გეგმავს იმ შემთხვევაში, თუ მისი გუნდი NBA-ს ჩემპიონის ტიტულს მოიპოვებს.

„ჯერ კიდევ COVID 19-ის გამოჩენამდე გუნდთან ერთად საბერძნეთში მოგზაურობას ვგეგმავდი, მიკონოსზე – წვეულებების კუნძულზე. იქ გოგოსთან ერთად ვერ წახვალ, რადგან ეს მოგზაურობა მარტო ბიჭებისთვის არის. გასაგებია, რომ საბერძნეთში არის სანტორინი, რომანტიული ადგილი, სადაც მსოფლიოში საუკეთესო აისი და დაისი იცის. აი, გოგონებთან ერთად იქ შეგიძლიათ გაემგზავროთ.

მიკენოსზე შარშანაც ვიყავი და ერიკ ბლედსოუ და ბრუკ ლოპესი მახლდა. საწყენი მხოლოდ ის ფაქტი იყო, რომ მთელი გუნდი ვერ წავედით. როდესაც ჩემპიონატს მოვიგებთ და თასი ხელთ გვექნება, მოვწევთ სიგარებს, ისევე როგორც მაიკლ ჯორდანი. ამ ყველაფერს კი მიკენოსზე გავაკეთებთ“, – ასეთ რეკლამას უკეთებს საკუთარ ქვეყანას ბერძენი კალათბურთელი.

MYKONOS ISLAND | Silversea

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...