ბუნდესლიგას კიოლნი დაემუქრა

გერმანული ბუნდესლიგა საქმეში დაბრუნებას უკვე 9 მაისიდან გეგმავდა, მაგრამ ხელისუფლების მხრიდან ცალსახა პასუხის არარსებობის გამო, თარიღი კიდევ უფრო გადაიწევს. ახლა აქცენტი 15 მაისზე კეთდება. ყველაფერი 6 მაისს გაირკვევა, როცა კანცლერი ანგელა მერკელი მინისტრთა კაბინეტს შეხვდება და სხვა საკითხებთან ერთად სპორტული ღინისძიებების განახლების ვადებსაც განიხილავს.

მანამდე კანცელარიის ხელმძღვანელ ჰელგე ბრაუნს დაევალა სპეციალური რეზოლუციის პროექტის მომზადება, რომელშიც ბუნდესლიგა ყველა სხვა სპორტულ ღონისძიებასთან შედარებით პრიორიტეტად იქნება გამოცხადებული.

მოულოდნელმა პრობლემამ, რომელმაც შესაძლოა, გავლენა მოახდინოს 6 მაისის გადაწყვეტილებაზე, პარასკევს იჩინა თავი. მორიგი გეგმიური ტესტირებისას „კიოლნის“ სამ თანამშრომელს კორონავირუსი დაუდასტურდა. კლუბის ვებ-გვრდი იუწყება, რომ ინფიცირებულები მყისვე კარანტინში გადაიყვანეს, გუნდი კი გეგმის მიხედვით მზადებას განაგრძობს.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...