შავი ზღვის ბიჭები წინ არიან

საქართველოს ხელბურთელთა ჩემპიონატში დასრულდა რეგულარული სეზონის მეორე წრე. ამჯერად თბილისის სპორტის სასახლეში ერთმანეთს რვავე გუნდი შეეჯიბრა — როგორც დასავლეთ, ასევე აღმოსავლეთ საქართველოდან.

ჩემპიონმა ბათუმის BSB-მ, რაც აბრევიატურაა და ქართულად შავი ზღვის ბიჭებს ნიშნავს, თბილისური ერთიანი ტურის ოთხივე შეხვედრა მოიგო. ანგარიშით თუ ვიმსჯელებთ, ბათუმელებს ყველაზე დიდი წინააღმდეგობა თბილისის „პეგასმა” გაუწია: 32:29.

14 ტურის შემდეგ „პეგასი” და „ქუთაისი” 22 ქულით მეორე-მესამე ადგილებს იყოფენ, თუმცა გატანილ-გაშვებულთა უკეთესი სხვაობის გამო ცხრილში მეორენი რიონისპირელები არიან.

აღსანიშნავია, რომ ბოლო ტურში სწორედ ეს გუნდები შეხვდნენ ერთმანეთს და „პეგასმა” „ქუთაისს” 35:28 მოუგო.

	თ	მ	ფ	წ	გოლები	ქ
BSB ბათუმი	14	13	0	1	600-389	26
ქუთაისი	14	11	0	3	576-410	22
პეგასი	14	11	0	3	574-419	22
იმედი-სტუ თელავი	14	9	0	5	481-417	18
გორი	14	5	0	9	501-596	10
სპორტუნი	14	3	1	10	451-615	7
სამტრედია	14	1	2	11	387-519	4
წყალტუბო	14	1	1	12	348-553	3

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...