არც გოლი გააუქმეს და მწვრთნელიც გააძევეს

ვიდეორეფერი რატომღაც ყველას ის მოწყობილობა ჰგონია, რომელიც მსაჯის გადაწყვეტილებას გააუქმებს, მაგრამ მსაჯები ყოველთვის არ ცდებიან. ტურინულ დერბიში, მაგალითად, “ტორინომ” “იუვენტუსის” მეორე გოლი გააპროტესტა და ეპიზოდის მონიტორზე გადამოწმება მოითხოვა. ვაგლახ, ვიდეომსაჯმა გოლი ჩათვლილად დატოვა. ამან “ტორინოს” მწვრთნელი სინიშა მიჰაილოვიჩი გააცეცხლა და შედეგად, ის გააძევეს.

“იუვენტუსმა” 2:0 მოიგო და იტალიის თასის ნახევარფინალში გავიდა.

“ბებერმა ქალბატონმა” თანაქალაქელებს სერია A-ს შეხვედრაშიც მოუგო 4:0. ტურინული გუნდების ბოლო 25 დაპირისპირებაში “ტორინომ” მხოლოდ ერთხელ გაიმარჯვა.

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.