„ბარსელონას“ მწვრთნელმა ჩავიმ ნახევარმცველ სერხიო ბუსკეტსის კონტრაქტთან დაკავშირებით არსებულ ვითარებაზე ისაუბრა, კლუბში პსჟ-ის თავდამსხმელის, ლიონელ მესის შესაძლო დაბრუნების კონტექსტში. „ყველაზე მნიშვნელოვანი ის არის, რომ ბუსკეტსი მშვიდია და სეზონის ბოლომდე დაგვეხმარება. არ ვფიქრობ, რომ მისი გადაწყვეტილება დამოკიდებული იქნება იმაზე, სად ითამაშებს მესი. თუ სერხიო კონტრაქტს გაახანგრძლივებს, ის კვლავაც მნიშვნელოვანი მოთამაშე იქნება „ბარსელონასთვის“, – თქვა ჩავიმ. ესპანელს...
„ბარსელონას” ბევრი ფეხბურთელისთვის ეს იყო პირველი ჯილდო. ამაზე საუდის არაბეთში გამართული ესპანეთის სუპერთასის ფინალის წინ თავად მათმა მწვრთნელმა ჩავიმ ილაპარაკა — ახალგაზრდული გუნდი გვყავს და თუ მოვიგებთ ბიჭებისთვის ეს პირველი წარმატება იქნებაო. და მართლაც, თამაში რომ დაიწყო, „ბლაუგრანას” ფეხბურთელებმა მოედანზე ფოიერვერკი მოაწყვეს. მადრიდულმა გაზეთმა „მარკამ” ხაზი გაუსვა, რომ პედრის მიერ გატანილი მესამე გოლი კატალონიური გუნდის...
ესპანეთის ნაკრების კაპიტანმა სერხიო ბუსკეტსმა საერთაშორისო კარიერა დაასრულა. 34 წლის კატალონიელმა (ბუსკეტსი საბადელშია დაბადებული) „ფურია როხას“ მაისურა პირველად 2009 წლის აპრილში მოირგო და დღემდე 143 მატჩი (2 გოლი) ჩაატარა. ბუსკეტსი ესპანეთის ნაკრების ორი დიდი გამარჯვების, 2010 წლის მსოფლიოს ჩემპიონობისა და ევრო 2012-ის ტრიუმფის თანამონაწილეა. ყატარის მუნდიალზე მან ოთხივე მატჩი ძირითად შემადგენლობაში ჩაატარა. შეგახსენებთ, რომ ესპანეთის...
პარი სენ-ჟერმენის ვარსკვლავი ლეო მესი, რომელიც რამდენიმე დღის წინათ საფრანგეთის ჩემპიონი გახდა, მეუღლე ანტონელასთან ერთად ბარსელონაში ჩავიდა და საუკეთესო მეგობრის, ამჟამად მადრიდის „ატლეტიკოს“ ფორვარდ ლუის სუარესის რესტორან ჩალიტოში დრო გაატარა. მესებთან ერთად სადილზე ლეოს ოდინდელი ბარსელონელი პარტნიორი სერხიო ბუსკეტსიც ბრძანდებოდა. ბედნიერმა ანტონელამ რამდენიმე ფოტო გააზიარა ინსტაგრამში და დაწერა: „რა ძლიერ გვინდოდა ჩალიტოში ჩამოსვლა. ფანტასტიკურია. მიყვარხართ!“
რაც ჩავი „ბარსელონას“ მწვრთნელად დაინიშნა, ფეხბურთელების საქმისადმი დამოკიდებულება უკეთესობისკენ შეიცვალაო, – ხშირად წერს ესპანური პრესა. თავად ჩავის განცხადებაც ბევრს ნიშნავს: „ბარსას“ მაისურა 10 კილოგრამით მძიმეა“! ახლა კი ის მომხდარა, რომ დასვენების დღეს „ბარსას“ 9 ფეხბურთელი მაინც სავარჯიშოდ მისულა ბაზაზე. ეს 9 ფეხბურთელია: სერხიო ბუსკეტსი, დანი ალვეში, სერხიო რობერტო, ფერან ტორესი, კლემან ლენგლე, ერიკ გარსია, მემფის...
ესპანეთის ნაკრებისა და „ბარსელონას“ ვეტერანი სერხიო ბუსკეტსი ეროვნულ გუნდში თამაშს 2022 წლის მსოფლიოს ჩემპიონატის შემდეგაც აპირებს. მას მერე, რაც სერხიო რამოსი ტრავმის გამო „ლა როხას“ ჩამოშორდა, 33 წლის ბუსკეტსი გუნდის კაპიტანი გახდა და დღეს, შვედეთთან შეხვედრაში, თავისი ყოფილი თანაგუნდელისა და კლუბში ამჟამინდელი მწვრთნელის ჩავი ერნანდესის შედეგს, 133 სანაკრებო შეხვედრას გაიმეორებს. „როგორიც ვარ ნაკრებში, ისეთივე ვარ...
კატალონიურმა „სპორტმა“ ექსკლუზიური ინფორმაცია მოიპოვა: ლეო მესიმ და „ბარსელონამ“ საერთო ენა გამონახეს. მხარეები გააფორმებენ კონტრაქტს 2026 წლამდე. ფეხბურთელმა ხელფასის ნახევარი დაიკლო. ამ ამბავს ოფიციალურად მალე გამოაცხადებენ. „სპორტი“ სიამაყით წერს, რომ ყველაფერი ზუსტად ისე მოხდა, როგორც თავად წინასწარმეტყველებდა. არგენტინელს კატალონიურ კლუბთან ძველი ხელშეკრულების ვადა 30 ივნისს გაუვიდა. გარშემო ყველა ახალ შეთანხმებას ელოდა, გამოცემა კი დაბეჯითებით აცხადებდა,...
ახალი ამბავი ნამდვილად არაა, რომ „ბარსელონას“ ფინანსური პრობლემები აქვს. კლუბის ხელმძღვანელობამ გადაწყვიტა კი დახმარებისთვის გუნდის ვეტერანებისთვის მიემართა: ლეო მესი, ჟერარ პიკე, სერხი რობერტო, სერხიო ბუსკეტსი და ჟორდი ალბა. თუ ესენი დათანხმდებოდნენ ხელფასის შემცირებას, მერე ახალგაზრდებიც მიბაძავდნენ. პირველმა ოთხმა უკვე განაცხადა თანხმობა ხელფასის შემცირებაზე. ლეომ სულაც გაინახევრა ჯამაგირი – ოღონდ შემოთავაზებული ორწლიანის ნაცვლად ხუთწლიანი კონტრაქტი გამიფორმეთო. ჯერ...
ესპანეთის ფეხბურთის ფედერაციამ გაავრცელა ცნობა, რომ ნაკრების კაპიტან სერხიო ბუსკეტსს covid-19 დაუდასტურდა. საწვრთნელ ბაზაზე ჩატარებულმა ტესტირებამ მხოლოდ ერთი კოვიდიანი ფეხბურთელი აღმოაჩინა და ის პროტოკოლის დაცვით, სასწრაფო დახმარების მანქანით, თვითიზოლაციაში გადაიყვანეს. რასაკვირველია, ბუსკეტსს შეკრებაზე სხვა ადამიანებთანაც ექნებოდა კონტაქტი. ისინი გამოავლინეს და დანარჩენი ჯგუფისგან განაცალკევეს. ამიერიდან, ესპანეთის ნაკრები ვარჯიშებზეც დაიყოფა. დროებით, ფეხბურთელთა ის ჯგგუფი, რომელსაც კაპიტანთან კონტაქტი...
„ბარსელონას” ნამდვილად არ უდგას საუკეთესო დღეები. აგერ, ჩემპიონთა ლიგის მერვედფინალში, „კამპ ნოუზე”, „პარი სენ ჟერმენმა” 4:1 დაამარცხა. ამასთან დაკავშირებით, გთავაზობთ კატალონიელი ჟურნალისტის ლუის მასკაროს მოკლე წერილს, რომელიც „სპორტში” გამოქვეყნდა. კილიან მბაპეს მიერ „კამპ ნოუზე” მოწყობილი წარმოდგენა იმის საუკეთესო ილუსტრაცია იყო, რომ ფეხბურთში ეპოქა იცვლება. მოდელი, რომელზე დაყრდნობითაც ყველა დროის საუკეთესო „ბარსელონამ” კარგა ხნის განმავლობაში...