პარი სენ ჟერმენმა ზაბარნი მოატყუა?

პარიზში გრძელდება მითქმა-მოთქმა რუსი მეკარის მატვეი საფონოვისა და უკრაინელი მცველის ილია ზაბარნის ერთ გუნდში თამაშის გამო. საკუთრივ ფეხბურთელები ამ თემაზე საჯაროდ ლაპარაკს გაურბიან, სხვები კი დაბეჯითებით საუბრობენ. არიან ადამიანები, რომლებიც ამტკიცებენ, რომ ზაბარნის საფონოვის თანაგუნდელობაზე კატეგორიული უარი ჰქონდა ნათქვამი. ეს დაადასტურა ვეტერანმა ფეხბურთელმა ევგენი ლევჩენკომაც, რომელიც ამჟამად ნიდერლანდების ფეხბურთელთა პროფკავშირის პრეზიდენტია.

„დაზუსტებით შემიძლია ვთქვა, რომ ილიას პოზიცია ურყევი იყო. მე არ ვიცი რა პირობა მისცა მას „პარი სენ ჟერმენმა’’, მაგრამ სავარაუდოდ კონტრაქტზე ხელის მოწერის წინ კლუბი დაპირდა, რომ მისი მისვლისთვის საფონოვი გუნდში აღარ იქნებოდა. რაც ახლა ხდება ― ის, რომ ზაბარნი და საფონოვი ერთ გუნდში არიან, ― ილიას უკრაინაში სახელს უტეხავს. მას შეეძლო სხვა კლუბში გადასვლა, მაგრამ პსჟ-მ ის უბრალოდ მოატყუა. ზაბარნი პარიზელებს ამ ფაქიზ საკითხში გულუბრყვილოდ ენდო’’.

Matvey Safonov et Illia Zabarnyi seraient déjà de bons amis au PSG - Football | Tribuna.com