ზურიკოსთან სტასენიც დარჩა

Lucas STASSIN of Saint-Etienne during Ligue 2 BKT match between Boulogne sur Mer and Saint Etienne at Stade de la Liberation on August 23, 2025 in... ზურიკო დავითაშვილის „სენტ ეტიენში’’ სიახლე ის არის, რომ ბელგიელი თავდამსხმელი ლუკა სტასენი დიდი მონდომების მიუხედავად ვერსად წავიდა. ლიგა 1-ში ახალაღზევებული „პარიზი’’ ზოგი წყაროს თანახმად „მწვანეებს’’ 26 მილიონ ევროს სთავაზობდა, მაგრამ მათ ქვა ააგდეს და თავი შეუშვირეს. შედეგად, თავდასხმაში ზურიკოს მეწყვილეს ჯერჯერობით „სენტ ეტიენში’’ მოუწევს თამაშის გაგრძელება.

„სტეფანუასთან’’ დაკავშირებული საიტები ხაზს უსვამენ კლუბის ხელმძღვანელთა სიმტკიცეს, იმ ფაქტს, რომ ისინი ფულს არ დახარბდნენ. იყო გამოცემები, რომელთაც დაწერეს, თითქოს „პარიზმა’’ სატრანსფერო ბაზრის დახურვის დღეს 26 მილიონს ბონუსის სახით კიდევ 3 მილიონი დაამატა, მაგრამ „ეკიპისა’’ და „პროგრესის’’ თქმით, სინამდვილეში დედაქალაქის კლუბი „სენტ ეტიენს’’ ასეთ დიდ თანხას არ სთავაზობდა.

„ტრანსფერმარკტის’’ შეფასებით ლუკა სტასენის ფასი 18 მილიონი ევროა.

ბელგიელის დარჩენა იმას ნიშნავს, „სენტ ეტიენის’’ შანსი მასთან და ზირიკოსთან ერთად წლეულსვე დაბრუნდეს ლიგა 1-ში მნიშვნელოვნად იზრდება.