ზურიკოს პირველი გოლი

ლიგა 2-ში წარმატებით ითამაშა ზურიკო დავითაშვილის „სენტ ეტიენმა”, რომელმაც „როდეზს” უმასპინძლა და ოთხი უპასუხო გოლი გაუტანა. მიუხედავად იმისა, რომ კლუბიდან წასვლას ითხოვს და ფრანგული პრესის თანახმად გუნდის ხელმძღვანელებთან რთული ურთიერთობა აქვს, საქართველოს ნაკრების თავდამსხმელმა 79 წუთი ითამაშა და შეხვედრის მეოთხე გოლიც შეაგდო.

მატჩის შემდეგ მწვანეების მწვრთნელმა ერიკ ჰორნელანდმა თქვა: „რაც დღეს ვნახეთ სწორედ ის ფეხბურთია, რომელსაც ამ გუნდისგან ველით. ახლა ფეხბურთელებმა თავიანთ საუკეთესო ფიზიკურ ფორმას უნდა მიაღწიონ. მათ თამაშის ჟინი აჩვენეს”.