კაპიტანი ბარსელონა

საკალათბურთო კლუბმა „ბარსელონამ“ საქართველოს ნაკრების კაპიტნი, თორნიკე შენგელიას ტრანსფერის შესახებ ოფიციალურად გამოაცხადა და ახალწვეული წარადგინა.

კლუბის პრესსამსახურის მიერ გავრცელებული ინფორმაციით, შენგელიამ ესპანურ გრანდთან სამწლიანი ხელშეკრულება (2028 წლის ზაფხულის ჩათვლით) გააფორმა. 33 წლის კალათბურთელი „ბარსელონაში“ „ვირტუსიდან“ გადავიდა.

გასულ სეზონში შენგელიამ იტალიის ჩემპიონატის ფინალურ სერიაში გადამწყვეტი როლი ითამაშა, „ვირტუსთან“ ერთად იტალიის ჩემპიონის ტიტული მოიგო და ფინალის საუკეთესო კალათბურთელად დაასახელეს.

ევროლიგის 2024/2025 წლის სეზონში ქართველმა 28 შეხვედრაში მიიღო მონაწილეობა, ხოლო საშუალოდ 15.6 ქულას, 5 მოხსნასა და 2.7 შედეგიან გადაცემას აგროვებდა.