არაბები ვინისიუსს ქერის ორმოს უმზადებენ

Illustration of Vinicius Jr.'s Saudi contract offer, showing his potential earnings per year, month, week, day, hour, minute, and second. ინგლისური „სანი’’ წერს, რომ საუდის არაბეთის პრო-ლიგის შეფები სარეკორდო ტრანსფერზე მუშაობენ. მათ 25 წლის ბრაზილიელი ვარსკვლავის ვინისიუს ჟუნიორის გადაბირება სურთ. საუდელებს აგულიანებს ის ფაქტი, რომ ვინისიუსს „რეალთან’’ ახალი კონტრაქტის გაფორმება დაუბრკოლდა, კლუბსა და ფეხბურთელს შორის ვაჭრობა მიმდინარეობს.

მსოფლიოს ერთ-ერთ საუკეთესო ფეხბურთელად მიჩნეული გარემარბის გადასაბირებლად არაბებს გასაკვირი თანხა, 302 მილიონი გირვანქა (405.5 მილიონი დოლარი ან 348 მილიონი ევრო) გაუმეტებიათ. თუ გარიგება შედგება, დაემხობა ამჟამინდელი რეკორდი ― „პარი სენ ჟერმენის’’ მიერ 2017 წელს ნეიმარის გადაბირება 222 მილიონ ევროდ.

საინტერესოა, რომ საუდელები არ ჩქარობენ. მათი ლიგა ყოველწლიურად ძლიერდება და ვინისუსის ყიდვაც სამწლიან გეგმაში ჩაუსვამთ. ბრაზილიელის მომავალ კლუბად „ალ-აჰლი’’ შეურჩევიათ. გამოჟონა ინფორმაციამ, რომ ვინისიუსს მიუვიდა წერილი, სადაც მას ხუთ წელიწადში მილიარდ ევროს სთავაზობენ.