კვარა ვარჯიშს დაუბრუნდა

May 24: Khvicha Kvaratskhelia of Paris Saint-Germain during pre match warm up during the Paris Saint-Germain V Stade de Reims, Coupe de France Final... — კვარას 24 მაისს მოთელვისას თავი სტკიოდა

ხვიჩა კვარაცხელია, რომელმაც საფრანგეთის თასის ფინალი შაკიკის გამო გააცდინა, სამშაბათ შუადღისას, „ინტერთან’’ თამაშამდე ოთხი დღით ადრე ვარჯიშს დაუბრუნდა.

„პარი სენ ჟერმენის’’ მიერ „რეიმსის’’ 3:0 დამარცხებიდან ორდღენახევრის შემდეგ პსჟ პუასის ბაზაზე შეიკრიბა და ჩემპიონთა ლიგის ფინალისთვის საბოლოო მზადება დაიწყო. შეხვედრა შაბათს, 31 მაისს მიუნხენში, საქართველოს დროით 23 საათზე დაიწყება.

პრესის აზრით, სამშაბათის ვარჯიში საყურადღებო იმით იყო, რომ საქმეს ქართველი თავდამსხმელი დაუბრუნდა. „პარიზიენი’’ შეგვახსენებს, რომ 24 მაისს ტკივილით შეწუხებულმა კვარაცხელიამ „სტად დე ფრანსი’’ თამაშის დაწყების წინ დატოვა და ამის გამო თანაგუნდელებთან ერთად მისმა საწვრთნელ მოედანზე გამოჩენამ გულშმატკივარს იმედი ჩაუსახა, რომ გარემარბი „ალიანც არენაზე’’ გამოჩნდება. როგორც ჩანს, მიუხედავად იმისა, რომ პსჟ-ს სამედიცინო შტაბი პირველივე დღიდან აცხადებდა, რომ საგანგაშო არაფერი იყო, ხალხს კვარას მდგომარეობა მაინც ადარდებდა.

ამრიგად, პარიზული კლუბი ევროპული გამოწვევისთვის მზად არის. ლუის ენრიკეს შაბათამდე პროგრამაში კიდევ ორი ვარჯიში აქვს, პარასკევს კი გუნდი მიუნხენს გაემგზავრება.