საქართველოს ჰოკეისტთა ნაკრებმა მსოფლიოს ჩემპიონატის II დივიზიონის B ჯგუფში მესამე ტურში დიდი ბრძოლა გადაიტანა, მაგრამ ბულგარეთთან, ოვერტაიმში, 8:7 მოიგო და A ჯგუფს კიდევ უფრო მიუახლოვდა.არადა, დასაწყისი სახარბიელო ვერ გამოდგა. ჩვენები პირველ პერიოდში 0:2 ჩამორჩნენ, მეორეს დასაწყისში კი, მესამეც გაუშვეს. თუმცა, შემდეგ ზედიზედ ხუთი შაიბა შეაგდეს და ბოლო პერიოდს 5:3 შეხვდნენ.
თითქოს ყველაფერი დალაგდა, მაგრამ დასკვნითი 20 წუთი ფრიად დაძაბული გამოდგა. ბულგარელებმა ისევ გაგვითანაბრეს, საქართველო ისევ ორი შაიბით დაწინაურდა, მაგრამ მატჩი მაინც ფრედ მორჩა – 7:7.
გამარჯვებულის ვინაობა დამატებით დროში გაირკვა, სადაც გადამწყვეტი გოლი ბორის კოჩკინმა შეაგდო. საქართველოს ნაკრებში თავი ასევე მაკარ ნიკიშანინმა (3), ნიკიტა ბუკიამ (2), ივან კარელინმა და კონსტანტინ გავრილენკომ გამოიჩინეს.
ოვერტაიმში მოგებით საქართველოს 100 %-იანი მაჩვენებელი აღარ აქვს, მაგრამ ჯგუფს 8 ქულით ლიდერობს. ჩვენებს კიდევ ორი მატჩი დარჩათ ჩასატარებელი: 2 მაისს ტაივანთან, ხოლო 3-ში – ტაილანდთან. ამ ჯგუფის გამარჯვებული A ჯგუფის საგზურს მოიპოვებს.
ავტორის პროფილი
- გერმანელების დიდი გულშემატკივარი. მისი დღეები მოწყენილობით სავსე იქნებოდა, რომ არ არსებობდეს პაულანერი და ფრანც ბეკენბაუერი.
უახლესი პოსტები
სარბიელი14/11/2026 | 23:05მორიგი მშრალი მარცხი
სიახლეები13/11/2026 | 21:58რამაზ სვანაძე – რთულ გზას გავდივართ და იმედია, ყველაფერს დავალაგებთ
აქეთურ-იქითური10/11/2026 | 16:38მამუს საუკეთესო მატჩი
სიახლეები09/11/2026 | 20:30რამაზ სვანაძე – ახალი გუნდის ფორმირება იწყება
