მამუს მეორე ორმაგი

NBA-ს რეგულარული სეზონში სანდრო მამუკელაშვილმა მეორე ორმაგი დუბლი გაახერხა. „სან ანტონიომ“ კი „დენვერი“, რომელიც ლიგის ერთ-ერთი ლიდერია, სტუმრად 113:106 დაამარცხა.

თუმც, ისიც უნდა ვთქვათ, რომ დღეს, ამ მატჩში, არ უთამაშია დენვერელთა ლიდერ ნიკოლა იოკიჩს, ვინაც გუშინ 61 ქულა დააგროვა და სამმაგი დუბლიც გაიფორმა.

მამუკელაშვილი სათადარიგო იყო, მაგრამ მოედანზე 23 წუთი მაინც გაატარა. მის ანგარიშზე 16 ქულა, 10 მოხსნა და ჩაჭრა დაგროვდა. სანდრომ ექვსიდან სამი ორქულიანი, ხუთიდან ორი სამიანი და ოთხივე საჯარიმო ჩააგდო. 32 მოგებისა და 44 წაგების მქონე „სან ანტონიოს“ რეგულარული ჩემპიონატის დასრულებამდე ექვსი მატჩი დარჩა. მომდევნო კი 5 აპრილს, შინ „კლივლენდთან“ ელის.

Sandro Mamukelashvili plays his way into Spurs' plans

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...