კვარა vs ბრესტი – სარბიელი

ნიონში, ჩემპიონთა ლიგის 1/16 ფინალის წილისყრა გაიმართა. ცხადია, ჩვენთვის ყველაზე საინტერესო ხვიჩა კვარაცხელიას და მისი პსჟ-ის მეტოქის ვინაობა იყო. ჰოდა, გაირკვა კიდეც: პსჟ, რომელიც ქართველ ვარსკვლავს სწორედ ამ ეტაპიდან შეიყვანს უეფას განაცხადში, ასევე ფრანგულ ბრესტთან გაარკვევს 1/8-ფინალისტს, რომელიც თავის მხრივ ან „ლივერპულს“ შეხვდება ანაც „ბარსელონას“.

1/16 ფინალის მატჩები 11-12 და 18-19 თებერვალს გაიმართება. პსჟ პირველ მატჩს სტუმრად ჩაატარებს.

სამწუხაროდ, ჩემპიონთა ლიგის 2024-2025 წლების სეზონის გათამაშებას ჩვენებიდან მხოლოდ ხვიჩა კვარაცხელია შემორჩა. იმედია, თასსაც მისი გუნდი აღმართავს…

1/16 ფინალში ერთი სუპერწყვილი მივიღეთ – „მან.სიტი“ vs „რეალი“. აქვე დღევანდელი წილისყრის სრული შედეგები:

პსჟ – ბრესტი

ბრიუგე – ატალანტა

სპორტინგი – დორტმუნდი

მანჩესტერ სიტი – რეალი

სელტიკი – ბაიერნი

იუვენტუსი – პსვ

ფეიენოორდი – მილანი

მონაკო-ბენფიკა

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.