ევროპა ხელბურთსაც უნდა

6 ნოემბერს საქართველოს ხელბურთელთა ნაკრები ევრო 2026-ის საკვალიფიკაციო ეტაპს დაიწყებს. ტიტე კალანდაძის გუნდი ჯგუფში ისლანდიასთან, საბერძნეთთან და ბოსნია-ჰერცეგოვინასთან ერთად მოხვდა.

2026 წლის ევროპის ჩემპიონატის საკვალიფიკაციო ტურნირში სულ 32 ნაკრები ჩაერთვება და რვა ოთხგუნდიან ჯგუფში გადანაწილდა. ევროპის ჩემპიონატზე კი, პირველ-მეორე ადგილოსნები და ოთხი საუკეთესო მესამეადგილოსანი გავა. სულ 20 გუნდი, რომელთაც მასპინძლები – დანია, ნორვეგია, შვედეთი და მოქმედი ჩემპიონი საფრანგეთი დაემატებათ.

სეზონს ქართველი ხელბურთელები საბერძნეთში დაიწყებენ, ხოლო 10 ნოემბერს შინ ისლანდიას დაუხვდებიან. ცნობილია სხვა მატჩების განრიგიც: საქართველო-ბოსნია (12-13 მარტი); ბოსნია-საქართველო (15-16 მარტი); საქართველო-საბერძნეთი (7-8 მაისი); ისლანდია-საქართველო (10-11 მაისი).

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...