მამარდამ მხარეებს ვალენსიაში დარჩენა შესთავაზა

Giorgi Mamardashvili of Valencia CF seen in action during the La Liga EA Sport Regular Season Round 1 match between Valencia CF and FC Barcelona at... გიორგი მამარდაშვილს „ლივერპულში” გადასვლა უნდა, მაგრამ რაკი მერსისაიდელები მიმდინარე სეზონში მის მთავარი გუნდის კარში დაყენებას არ აპირებენ, ქართველი მომდევნო ზაფხულამდე „ვალენსიაში” დარჩენას ითხოვს. მოგეხსენებათ, „ლივერპული” მის ყიდვას და ერთი სეზონით „ბორნმუთში” გაშვებას აპირებდა. როგორც „მარკა” წერს „ვალენსიაში” დარჩენის მოთხოვნა მოლაპარაკებებზე კარგად იმოქმედებს. კლუბები ამ ვარიანტზე სავარაუდოდ შეთანხმდებიან.

„წითლებს” სურდათ მიმდინარე სეზონში მათი კარი ვეტერან ალისონ ბეკერს დაეცვა, ხოლო მამარდაშვილი ბრაზილიელის ჩრდილში რომ არ მოქცეულიყო და თან პრემიერლიგის ფეხბურთს შეჩვეოდა, იჯარით „ბორნმუთში” გადასულიყო, მაგრამ მოლაპარაკებები ჩიხში შევიდა. მიზეზი: „ვალენსიამ” 40 მილიონ ევროს ცენტიც არ დაუკლო. „ჯეოთიმის” ინფორმაციით სწორედ ამ დროს ჩაერია მოლაპარაკებების პროცესში თავად გოლკიპერი, რომელმაც სავარაუდოდ ორივე მხარისთვის მისაღები ვარიანტი წამოაყენა.