პირველი 30 წამის განმავლობაში პანიკა იყო, შემდეგ კი ნათლად გამოჩნდა, რომ იტალია ალბანეთს სჯობდაო, წერს calciomercato და დასძენს, რომ როგორც სხვა ფავორიტთა შეხვედრებში, საბოლოოდ აქაც გაუგებარი დარჩა გამარჯვებული გუნდი მართლა ძლიერი იყო თუ მოწინააღმდეგე შეხვდა ძალიან სუსტი.
შემდეგ იტალიური საიტი წერს, რომ „სკუადრა აძურამ” უფრო მეტი იწვალა ვიდრე გერმანიამ, ესპანეთმა და შვეიცარიამ.
იტალიელთა და ალბანელთა შეხვედრის გადამწყვეტ ეპიზოდებში კარგად თუ ცუდად თავი „ინტერის” ფეხბურთელებმა გამოიჩინეს. 30-ე წამზე ფედერიკო დიმარკომ აუტიდან… მოწინააღმდეგე ნედიმ ბაირამის ჩააწოდა ბურთი და მან ალბანელები დააწინაურა, შემდეგ კი მე-11 და მე-16 წუთებზე ალესანდრო ბასტონიმ და ნიკოლა ბარელამ თამაში ევროპის მოქმედ ჩემპიონთა სასარგებლოდ მოატრიალეს.
calciomercato წერს, რომ იტალიას ასეთი თამაში ესპანეთთან არ გამოადგება.
