რუბიალესმა დომინიკაში გაასწრო

Europol agent and several agents from the Guardia Civil's Central Operational Unit leave the Royal Spanish Football Federation , on March 20 in... თუკი ბოლო წლის განმავლობაში ესპანეთში ვინმემ სკანდალური პოპულარობა მოიპოვა, ეს ქვეყნის ფეხბურთის ფედერაციის ყოფილი პრეზიდენტი ლუის რუბიალესია. შემოდგომაზე ის თანამდებობიდან გადადგა. მიზეზი: ფეხბურთელ ქალს ჯენი ერმოსოს დაჯილდოების ცერემონიალზე ტუჩებში აკოცა, მაგრამ ეს არაფერი — ახლა რუბიალესი კიდევ უფრო დიდ შარშია. მას ფულის არალეგალურად შოვნაში სდებენ ბრალს.

ოთხშაბათს, რუბიალესს დასაჭერად მიადგნენ, მაგრამ ეჭვმიტანილი ვერ მოიხელთეს — დომინიკას რესპუბლიკაში გამგზავრებულა. ამ ისტორიაში საინტერესო ის არის, რომ დომინიკელებს ესპანეთთან ექსტრადიციის ხელშეკრულება არ აქვთ. შესაბამისად, ესპანეთის პროკურატურას ერთადერთი შანსი აქვს: დაიჭიროს რუბიალისი მაშინ, როდესაც ის ქვეყანაში დაბრუნდება. რუბიალისის გარდა სასამართლოს წინაშე წარდგომა ფედერაციის კიდევ ექვს თანამშრომელს ელის.

ესპანეთში გავრცელებული ცნობის თანახმად ქვეყნის სამოქალაქო გვარდიას ეჭვი აქვს, რომ რუბიალისმა გვარიანი თანხა სწორედ დომინიკაში „გაათეთრა”, თუმცა ჯერჯერობით ამის მტკიცებულება არ არსებობს.