… უარესიც შეიძლებოდა

აღწერილობა არაა ხელმისაწვდომი. პარიზში ერთა ლიგის 2024-2025 წლების გათამაშების წილისყრა გაიმართა. Საქართველოს ნაკრები B დივიზიონის მეოთხე კალათაში იყო და მოსალოდნელი გახლდათ, რომ მეტოქეებად ძლიერი გუნდები შეხვდებოდა… თუმცა, იღბალმა გაგვიღიმა – საქართველოს მეტოქეები ჩეხეთი, უკრაინა და ალბანეთი იქნებიან. ცხადია, უარესიც შეიძლებოდა.

აღსანიშნავია, რომ საქართველოს ნაკრებს ჩეხეთთან აქამდე არ უთამაშია.

ტურნირი 2024 წლის სექტემბერში დაიწყება და ნოემბერში დასრულდება. A დივიზიონში მხოლოდ ჯგუფის გამარჯვებული არ გადავა – შანსი მეორე ადგილოსნებსაც აქვთ, რომლებიც ფლეი ოფში A დივიზიონის მესამე ადგილოსნებს დაუპირისპირდებიან.

იმავე პრინციპით მოხდება დაქვეითებაც: ბოლო ადგილი ვარდება, ხოლო მესამე ადგილოსანი ფლეი აუტში C დივიზიონის მეორე გუნდს გაეჯიბრება. გუნდები ჯგუფების მიხედვით დაწყვილდებიან.

ფლეი ოფების წილისყრა ნოემბერში გაიმართება.

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.