ხვიჩა სამ სიმბოლურში…

ხვიჩა კვარაცხელია იტალიის სერია A-ს ტურის სიმბოლურ ნაკრებში რამდენიმე ანალიტიკურმა საფეხბურთო ვებგვერდმა და სერია A-ს ოფიციალურმა გვერდმა დაასახელა.

ხვიჩამ ბოლო ტურში, „ვერონასთან“გასვლით შეხვედრაში დუბლი შეასრულა და წარმატებული თამაშის შემდეგ მაღალი შეფასებები მიიღო. Whoscored-მა საბოლოოდ 8,6 ქულა დაუწერა, Sofascore-მ კი 8,9 ქულა. იტალიის ჩემპიონატის ვებგვერდმა, Fantacalcio-მ 22 წლის ქართველი ფეხბურთელის თამაში 7,5 ქულით შეაფასეს.

სამივე ვებგვერდმა ტურის საუკეთესო მოთამაშედ ხვიჩას თანაგუნდელი, მატეო პოლიტანო დაასახელა, რომლის საგოლე გადაცემებითაც კვარაცხელიამ დუბლი შეასრულა, მანამდე კი პოლიტანომ თავადაც გაიტანა.

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.