ნოიერი წლეულს საეჭვოა, მამარდაშვილი..?

Manuel Neuer - Player profile 23/24 | Transfermarkt მიუნხენის „ბაიერნის“ მეკარის მანუელ ნოიერის დაბრუნება კიდევ გადაიდო და არ არის გამორიცხული მანს 2023 წელს საერთოდ ვერ ითამაშოს.

ნოიერმა ბოლოს გუნდთან ერთად 27 ივლისს ივარჯიშა, შემდეგ კი მზადების პროცესი შეაჩერა და 5 აგვისტოს ინდივიდუალურად სატრენაჟორო დარბაზში ფიზიოთერაპევტის მეთვალყურეობით ემზადებიდა. გავრცელებული ინფორმაციით, არ არის გამორიცხული მანუს კიდევ ერთი ოპერაციის გაკეთება დასჭირდეს.

შეგახსენებთ, რომ გასული წლის დეკემბერში 37 წლის მეკარემ თხილამურებით სრიალისას ფეხი მოიტეხა და სეზონის მეორე ნაწილი სრულად გამოტოვა.

„ბაიერნი“ რამდენიმე დღის წინ მეკარე იან ზომერსაც დაემშვიდობა, რომელიც „ინტერში“ წავიდა და ახლა ისეა საქმე, რომ მიუნხენური გრანდი უმაღლესი კლასის მეკარის გარეშე დარჩა…

„ყოველდღე ველით გერმანელთა ზარს“, – ასე მოკლედ, თუმც მრავლისმთქმლად გვიპასუხა გიორგი მამარდაშვილის მამამ, დავითმა, როცა დავუკავშირდით და ვაჟის „ვალენსიადან“ „ბაიერნში“ შესაძლო ტრანსფერზე ვკითხეთ… დაველოდოთ… შეგახსენებთ, ევროპაში სატრანსფერო ფანჯარა 31 აგვისტოს იხურება.

Bayern Munich meet Giorgi Mamardashvili's management as transfer pursuit heats up - Bavarian Football Works

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.