ალთუნაშვილის მეოთხე ავსტრიული

სანდრო ალთუნაშვილი: „ეს ჩემთვის სიურპრიზი იყო, რადგან ამ პოზიციაზე დიდი კონკურენციაა" საქართველოს ნაკრების ნახევარმცველი სანდრო ალთუნაშვილი, რომელიც ივნისში ავსტრიის „ვოლფსბერგერში“ ჩაირიცხა, ახალი სეზონისთვის ემზადება. რამდენიმე დღის წინ გუნდმა მოსამზადებელ ეტაპზე მესამე ამხანაგური მატჩი ჩაატარა სლოვაკურ „ჟილინასთან“ და ფრედ 2:2 ითამაშა.

სამიდან ორი მატჩში („ჟილინასთან“ და „ლეობენთან“) ალთუნაშვილი ძირითად შემადგემლობაში იყო და მეორე ტაიმში შეცვალეს, პირველ საკონტროლო შეხვედრაში კი, დაბალლიგელ „ველდენთან“, ქართველი ნახევარმცველი შეხვედრაში 75-ე წუთიდან ჩაერთო.

„ვოლფსბერგერმა“ მეოთხე ამხანაგური შეხვედრა უნგრეთის ჩემპიონატის მესამეადგილოსან „დებრეცენთნ“ გუშინ, 11 ივლისს ითამაშა და ადის იასიჩის გოლით 1:0 მოიგო. ალთუნაშვილი ამ შეხვედრაშიც სასტარტო შემადგენლობაში იყო.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...