ქართველი უიმბლდონის მეოთხედფინალში

ოქსანა კალაშნიკოვამ მიმდინარე „უიმბლდონზე“ კარიერის საუკეთესო შედეგი დააფიქსირა.

ჩვენებური, ბელარუს ირინა შიმანოვიჩთან ერთად მეოთხედფინალში გავიდა.

წყვილმა მერვედფინალში ბრაზილიელ ინგრიდ გამარა მარტინშსა და ასევე ბელარუს ლიდია მაროზავას დუეტს 6:4, 7:6 მოუგო. პირველ სეტში კალაშნიკოვა-შიმანოვიჩმა მეცხრე გეიმი წაართვეს მეტოქეს, ხოლო მეორეში ტაი ბრეიკზე იმარჯვეს. თუმცა, ორი მატჩ-პოინტიც გაანიავეს.

გეტყვით იმასაც, რომ მანამდე ქართულ-ბელარუსულმა წყვილმა ჯერ იაპონელები აოიამა და შიბაჰარა 6:2, 6:4 დაამარცხა, შემდეგ კი ნორვეგიელი ეიკერისა და რუსი პანოვას დუეტი – 6:0, 6:4.

მეოთხედფინალში კალაშნიკოვასა და შიმანოვიჩის მეტოქეები ამერიკელი კეროლინ დოლეჰაიდი და ჩინელი შუაი ჟანგი იქნებიან. მატჩი 11 ივლისს გაიმართება.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...