კვარამ გუნდს მისცა ის, რასაც ინსინიე ვერ აძლევდა

Khvicha Kvaratskhelia of Napoli during the Serie A match between SSC Napoli and US Cremonese at Stadio Diego Armando Maradona on February 12, 2023 in... „ლა გაძეტა დელო სპორტმა” სცადა გაეანალიზებინა, რატომ თამაშობს „ნაპოლი” მიმდინარე სეზონში ასე ძლიერად და ერთ-ერთ მიზეზად კლუბის სპორტული დირექტორის კრისტიანო ჯიუნტოლის სწორი მუშაობა დაასახელა.

„კულიბალის, ინსინიესა და მერტენსის წასვლა წესით ეტაპის დასრულებასა და „ნაპოლის” შემადგენლობაში სიცარიელის გაჩენას მოასწავებდა. კიმისა და კვარაცხელიას მოყვანა, სანამ მათზე ალაპარაკდებოდნენ, დიდ გაურკვევლობას ჰგავდა, რასპადორისა და სიმეონეს ყიდვა კი სარისკო კაპიტალდაბანდებას. სინამდვილეში ჩამოთვლილთაგან ყველა დიდი განახლების მიზეზი გამოდგა.

გაირკვა, რომ კვარა არის დიდებული ფეხბურთელი, რომელმაც გუნდს სავარაუდოდ მისცა ის, რასაც ინსინიე ვეღარ აძლევდა: ქართველს აღმოაჩნდა საჯარიმო მოედნის მიმართულებით გამწვავების დიდებული უნარი, მაშინ როდესაც ყოფილი კაპიტანი მეტწილად პერიფერიაზე ტრიალებდა.

კორეელმა ისეთი პროგრესი განიცადა, რომ დაცვაში სივრცის ჩასაკეტად იდეალური ვარიანტი გამოდგა, ორმა ფორვარდმა კი სხვადასხვა მომენტებში გადამწყვეტი სიტყვა თქვა: ჩოლიტომ „მილანსა” და „რომასთან” პრინციპული შეხვედრების ბედი გადაწყვიტა, ხოლო რასპადორიმ ჩემპიონთა ლიგაში გააკეთა დიდი საქმე.