უქულოებში ჰანოვერმა მოიგო

თბილისის „დინამოს“ წყალბურთელთა გუნდი ჩემპიონთა ლიგაში ისევ უქულოდ არის. არადა, დეიან სტანოევიჩის გაწვრთნილი გუნდი შინ უშუალო კონკურენტ „ჰანოვერს“ დაუხვდა და დამარცხდა.

ორივე გუნდი 5-5 წაგებით შეხვდა მატჩს. მატჩის ბედი ჩვენი გუნდის პირველ მეოთხედში დაშვებულმა შეცდომებმა გადაწყვიტა.

„დინამომ“ პირველ მეოთხედში ექვსჯერ ვერ გამოიყენა მეტობა, საპასუხოდ სამი ბურთი გაუშვა და სოლიდურად ჩამორჩა – 0:3.

თამაში ამის მერე თანაბრად გაგრძელდა და მატჩის ბოლოსაც სხვაობა ზუსტად ის სამი ბურთი იყო – 11:14.

„დინამოს“ მომდევნო მატჩი მსოფლიოს ერთ-ერთ საუკეთესო გუნდთან, იტალიურ პრო რეკოსთან ელის – 7 თებერვალს, თბილისში.

შეიძლება იყოს ერთი ან მეტი ადამიანი, ადამიანები სპორტით არიან დაკავებული and აუზი გამოსახულება

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.