ნოემბერში ორი მატჩია…

საქართველოს 21-წლამდე ნაკრები ნოემბრის სანაკრებო პაუზის დროს თბილისში ამხანაგურ მატჩებს გამართავს ისრაელისა და უკრაინის ახალგაზრდული ნაკრებების წინააღმდეგ.

რამაზ სვანაძის გუნდი, ისრაელს 16 ნოემბერს, ხოლო უკრაინას 21 ნოემბერს დაუპირისპირდება. მინი-ტურნირის მესამე მატჩი, ისრაელსა და უკრაინას შორის 19 ნოემბერს ჩატარდება.

შეგახსენებთ, რომ 2023 წელს საქართველოს ახალგაზრდული ნაკრები ევროპის ჩემპიონატზე ითამაშებს, რომელსაც საქართველო და რუმინეთი უმასპინძლებენ. ჩვენი ნაკრების მეტოქეები A ჯგუფში ნიდერლანდების, პორტუგალიისა და ბელგიის ნაკრებები იქნებიან.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...