სამოსანი გერმანელები

El madridismo celebró la Decimocuarta en Cibeles - 30-05-2022 ფრანგული სპორტული გაზეთის „ეკიპის” აზრით, 28 მაისს, პარიზში გამართულ ჩემპიონთა ლიგის ფინალში ყველაზე ცუდად თავი გერმანელებმა, ტონი კროოსმა და იურგენ კლოპმა წარმოაჩინეს.

კროოსი გამარჯვებული „რეალის” ნახევარმცველია, კლოპი კი დამარცხებული „ლივერპულის” მწვრთნელი.

„ეკიპმა” ფინალის მონაწილეები ათქულიანი სისტემით შეაფასა.

ფეხბურთელთაგან ყველაზე ცუდი ნიშანი, სამიანი, ხსენებულმა კროოსმა და ლივერპულელმა ლუის დიასმა მიიღეს.

„კროოსი ამ შეხვედრაში „რეალის” დიდი იმედგაცრუება იყო”, — დაწერა გაზეთმა მადრიდელთა ვეტერანის შესახებ.

იყო კიდევ ერთი მონაწილე, რომელსაც „ეკიპმა” სამიანი აკადრა და ეს იურგენ კლოპი გახლდათ. ფრანგულმა გაზეთმა გერმანელ მწვრთნელს ტიაგო ალკანტარას თამაში დიდ შეცდომად ჩაუთვალა.

„ეკიპის” აზრით, ვინაიდან ტიაგო ალკანტარას ჯანმრთელობის პრობლემა ჰქონდა, კლოპს ის მოედანზე საერთოდ არ უნდა გაეშვა.

გარდა ამისა, გაზეთის აზრით კლოპის ცვლილებებმა შეხვედრის მსვლელობაში ვერაფერი შეცვალეს.