მოუს გაკაჭკაჭებას უპირებენ

josé mourinho | goleada a la roma - Noticias „ნიუკასლის“ მფლობელებს მთავარ მწვრთნელად თურმე ჟოზე მოურინიუს ხილვა სურთ.

ხელმძღვანელობა ყველაფერს აკეთებს იმისთვის, რომ 59 წლის პორტუგალიელი სპეციალისტი „კაჭკაჭების“ თავკაცად იხილონ. არადა, გუნდის ახლანდელი მწვრთნელი ედი ჰაუ საკუთარ საქმეს ჩინებულად უძღვება – „ნიუკასლი“ გავარდნას გადაარჩინა და თავი გულშემატკივრებსაც შეაყვარა.

ინგლისური ლიგა მოურინიოსთვის უცხო არ იქნება. პორტუგალიელი ლონდონის „ჩელსის“ ორჯერ წვრთნიდა და „არისტოკრატებთან“ ერთად სამჯერ აქვს მოგებული პრემიერლიგა. მოურინიუ ბრიტანეთში „მანჩესტერსა“ და „ტოტენჰემსაც“ თავკაცობდა.

ამჯერად მოურინიო იტალიური „რომას“ მწვრთნელია, რომელიც კონფერენს ლიგის ფინალში გაიყვანა და წინ სატიტულო მატჩი ელის. თავადაც ამბობს, რომ იტალიაში დარჩენა კიდევ ერთი სეზონით სურს, არადა, კონტრაქტით რომში 2024 წლამდე უნდა იმუშაოს.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...