ხელიდან გაშვებული მოგება

Time for Kosovo and Georgia to write handball history საქართველოს ხელბურთელთა ნაკრები მსოფლიო ჩემპიონატის პირველ შესარჩევ ეტაპზე ორი ტურის შემდეგ კი ლიდერობდა და ბოლო მატჩში, ესტონეთის ნაკრებთან ფრეც აწყობდა, მაგრამ მატჩის დასრულებამდე 15 წუთით ადრე მოპოვებული 4-ბურთიანი უპირატესობა გაანიავა და მეორე შესარჩევი ეტაპის საგზური ბალტიისპირელებს დაუთმო.

პირველი ტაიმი ჩვენებმა 16:15 მოიგეს, მეორე ტაიმში კი, უპირატესობას ზრდიდნენ და 45-ე წუთზე საქართველოს ნაკრები 24:20 იყო დაწინაურებული. თითქოს ყველაფერი გადაწყვეტილი იყო, თუმცა, როგორც ხშირად ხდება, საქართველოს ხელბურთელთა ნაკრებსაც პრობლემები შეექმნა და…

საქართველოს ნაკრებმა ზედიზედ ხუთი გოლი გაუშვა და ესტონეთი წინ გავიდა – 25:24. მდევრის როლში მყოფმა საქართველომ ორჯერ გაათანაბრა, მაგრამ ეს მაქსიმუმი იყო და მატჩი 27:31 წააგო.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...