სანდრო ჩაქულიანდა

Former Seton Hall star Sandro Mamukelashvili enjoys breakout performance in NBA homecoming at Barclays Center: 'It was a dream come true' - nj.com სანდრო მამუკელაშვილის პირველი ქულები NBA-ში – ჩვენებურმა „ბრუკლინთან“ სადებიუტო მატჩში ვერაფერი ჩააგდო, მაგრამ „მაიამი ჰიტთან“ აინაზღაურა.

მატჩი „ჰიტმა“ 137:95 მოიგო. სანდრო სათადარიგო იყო, მაგრამ მალევე ჩაერთო თამაშში და ჯამში 27 წუთი გაატარა. ეს უფრო იმიტომ, რომ „მილუოკი ბაქსის“ ძირითადი შემადგენლობა ისე სუსტად თამაშობდა, რომ თამაშის ბედი ნაადრევად გადაწყდა.

სანდრომ 12 ქულა, 4 მოხსნა და 1 პასი მოაგროვა. ჩვენებურმა 5-დან 2 ორქულიანი, 4-დან 2 სამიანი და 2-დან 2 საჯარიმო ჩააგდო.

მამუკელაშვილზე მეტი დროით მოედანზე მილუოკელთაგან მხოლოდ გრეის ალენი იმყოფებოდა, რომელმაც 29 წუთში 14 ქულა მოაგროვა. სწორედ ალენი, ადეტოკუმბო (15 ქულა, 10 მოხსნა) და მამუკელაშვილი იყო მილუოკის სამი საუკეთესო მექულე ამ მატჩში.

მომდევნო შეხვედრას მილუოკი 24 ოქტომბერს, სტუმრად, სან ანტონიოსთან გამართავს.