26 წლის ინგლისელი თავდამსხმელი რაჰიმ სტერლინგი ზაფხულში გამართულ ევროპის ჩემპიონატზე ერთ-ერთი საუკეთესო თავდამსხმელი იყო. ამის მიუხედავად, ის „მანჩესტერ სიტის“ სასტარტო შემადგენლობაში ფაქტობრივად ვერ ხვდება — მიმდინარე სეზონში, მხოლოდ პირველ ტურში იყო იმ თერთმეტ ფეხბურთელს შორის, რომლებმაც თამაში დაიწყეს.
„ქალაქელთა“ მწვრთნელი პეპ გვარდიოლა სტერლინგზე მეტად ახალნაყიდ ჯეკ გრილიშს, ესპანელ ფერან ტორესსა და გაბრიელ ჟესუსს ენდობა.
სტერლინგის მდგომარეობამ ბუნებრივად გააჩინა ეჭვი მისი შესაძლო ტრანსფერის შესახებ.
დაირხა ხმა, რომ საახალწლოდ ინგლისელი შეიძლება ახალ კლუბში გადავიდეს და ამ კლუბს ასახელებენ კიდეც.
ესპანური გაზეთების ინფორმაციით ლაპარაკია „ბარსელონაზე“, რომელსაც რთული ფინანსური მდგომარეობის მიუხედავად უკვე გამოუჩენია ინტერესი.
ესპანური მას მედიის ეს ცნობა გერმანულმა „შპორტ ბილდმაც“ გადაბეჭდა.
თუ ეს ცნობა მართალია, შესაძლოა თამაშს მოწყურებული სტერლინგი „ეტიჰედიდან“ „კამპ ნოუზე“ გადასვლით მართლაც დაინტერესდეს.
ავტორის პროფილი
- "სარბიელის" ძველი ავტორია. იშვიათად ილია ბაბუნაშვილის ფსევდონიმითაც წერს. ხანდახან ცდილობს იხუმროს, მაგრამ უწყინარია.
უახლესი პოსტები
აქეთურ-იქითური28/09/2026 | 08:51ჟოაო ფელიქსი: რა თქმა უნდა იამალი
სიახლეები28/09/2026 | 07:55ზუბკოვი: მწვრთნელის შეცვლამ გუნდზე შეიძლება კარგადაც იმოქმედოს და ცუდადაც
მთავარი ამბავი28/09/2026 | 07:19ანდრეა მალდერა: მოწინააღმდეგეზე ფიქრში ენერგია არ უნდა დავხარჯოთ
მთავარი ამბავი27/09/2026 | 09:57სანიოლი: 25 – 10 – 23