ოლიმპიადა მონდიალთან რას მოვა

ფიფას ხელმძღვანელობა ურუგვაის ნაკრებისგან მაისურებზე დატანებული ემბლემის შეცვლას ითხოვს.

ურუგვაის ნაკრების ეკიპირებაზე PUMA ზრუნავს. ცოტა ხნის წინ სამხრეთამერიკელებმა კომპანიას ფორმების ახალი დიზაინი წარუდგინეს.

გერმანელებმა კი პასუხად აცნობეს, რომ ფიფა-დან გაფრთხილებულები არიან: მსოფლიო 2022 წლის ჩემპიონატამდე ურუგვაელთა ემბლემაზე ოთხი ვარსკვლავიდან ორი უნდა დარჩეს. ურუგვაელთათვის ეს ოთხი ვარსკვლავი სიმბოლურად ორ მსოფლიო ჩემპიონატსა (1930, 1950) და ორ ოლიმპიადაზე (1924, 1928) გამარჯვებას ასხავს.

ფიფა-ს ჩინოსანთა აზრით, ოლიმპიადის მოგებისთვის დამატებულ მედლებს ემბლემაზე არაფერი ესაქმება – ურუგვაის ფეხბურთის ასოციაცია სწორედ ფიფა-ს პარტნიორია და არა საერთაშორისო ოლიმპიური კომიტეტის.

ურუგვაელები აპელაციის შეტანით იმუქრებიან.