ტოკიოს ოლიმპიადის საკალათბურთო ტურნირის ფინალი იაპონიის დროით უჩვეულოდ ადრე – 11.30 საათზე დაიწყო.
ორგანიზატორებმა შეხვედრა ამერიკული ტელეაუდიტორიის პრაიმ-ტაიმს დაამთხვიეს.
ინტერესი კი უდიდესი იყო. ამერიკელებს არა მხოლოდ 2019 წლის მსოფლიო ჩემპიონატის მეოთხედფინალში, იქვე, ტოკიოში ჯგუფურ ეტაპზე მარცხისთვისაც ჰქონდათ რევანში ასაღები.
რევანში შედგა!
ერთადერთი, რაც ფრანგებმა მოახერხეს, ინტრიგის ბოლომდე შენარჩუნება იყო. ისინი ბურთის ხშირად (18) დაკარგვამ და 11-მა გაცუდებულმა საჯარიმომ დააღალატა. მხოლოდ მათ ლიდერ რუდი გობერს 7 ცდა გაუცუდდა. ვერ იფრინა დე კოლომ, ამერიკელთა დაცვამ „ჩაყლაპა“ ფურნიე…
/cdn.vox-cdn.com/uploads/chorus_image/image/69630595/1330593052.0.jpg)
გრეგ პოპოვიჩის შეგირდების შეტევებს კევინ დურანტმა ულიდერა (29 ქულა + 6 მოხსნა). განსხვავებით ლუკა დონჩიჩისგან, მისი განეიტრალება ვერ მოხერხდა.
თავის წინა ორ ოლიმპიურ ფინალში კევინმა სოლიდური 30-30 ქულა მოაგროვა და ამჯერადაც მისი გავლენა შედეგზე დიდი იყო.
87:82 – აშშ ზედიზედ მეოთხედ გახდა ოლიმპიური ჩემპიონი. უღიმღამო სტარტის შემდეგ პოპოვიჩის გუნდი მატჩიდან მატჩამდე უმატებდა და ფინალში საუკეთესო კალათბურთი გვიჩვენა.
პირველი, ვინც ამერიკიდან გუნდს მიულოცა, ლებრონ ჯეიმსი იყო.
ავტორის პროფილი
- მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".
უახლესი პოსტები
კატეგორიის გარეშე21/11/2021 | 16:00დროებითი ლორან ბლანი
აქეთურ-იქითური20/11/2021 | 19:48დანი ალვეში – თავნება გენიოსი
აქეთურ-იქითური17/11/2021 | 13:13ლემპარდს ლესტერი უნდა
აქეთურ-იქითური16/11/2021 | 17:31ვინ არის ადეიემი?