ძალა წყალსაც ხნავს

May be an image of 1 ადამიანი ტოკიოს ოლიმპიური თამაშების საკვალიფიკაციო ეტაპზე საქართველოს წყალბურთელთა ნაკრებმა ჯგუფური ეტაპის ბოლო მატჩი ჩერნოგორიასთან გამართა და 9:11 დამარცხდა.

ეს იყო ჯგუფური ეტაპის ყველაზე რთული მატჩი – ჩერნოგორია საკმაოდ ძლიერი გუნდია და ეტყობოდა კიდეც, როგორ უჭირდა დეიან სტანოიევიჩის შეგირდებს თამაშის მიმდინარეობისას. განსაკუთრებით შეტევით ფაზაში, რადგან ჩერნოგორიელები სწორი ტაქტიკით ახერხებდნენ ჩვენების მცდელობის ჩახშობას.

პირველი მეოთხედი ფრედ, 3:3 დასრულდა, მაგრამ იყო მომენტი, როდესაც ორი ბურთით ვაგებდით. დიდ შესვენებამდე მეტოქემ დაცვა კიდევ უფრო გააძლიერა და ტაიმი 6:4 მოიგეს.

შესვენების შემდეგი მეოთხედიც თანაბარი გამოდგა – გუნდებმა თითო გოლი გაცვალეს და დასკვნით პერიოდს ჩვენები ორბურთიანი ჩამორჩენით შეხვდნენ – 5:7.

მერე უკვე ყველაფერი თავის ადგილზე დადგა. ჩვენებს დაღლაც დაეტყო, ხუთი ბურთით ჩამორჩნენ და მატჩის ბედიც გადაწდა. ბოლოს ჩერნოგორიაც მოეშვა და სხვაობა მხოლოდ შემცირდა – სხვა შანსი არ გვქონია.

საქართველოს ნაკრებმა ჯგუფში მესამე ადგილი დაიკავა, ფლეი ოფში მეტოქე კი, მოგვიანებით გაირკვევა…

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.